Ingurumenarekiko Irakasbideen Hezkuntza eta Ikerketarako Ikastegiak (ingurugela-CEIDA)

Irakasleei eta ikastetxeei laguntzeko ekipamendu publikoen sarea osatzen dute eta unibertsitateaz kanpoko hezkuntza-sistemako planak eta programak koordinatzen dituzte.

Eusko Jaurlaritzako Lurralde Antolamendu, Etxebizitza eta Ingurugiro Sailak eta Hezkuntza, Unibertsitate eta Ikerketa Sailak sortu zituzten eta bi sailen arteko lankidetzaren bidez funtzionatzen dute.

Ikastegi hauen lana zeharkakotasunaren metodologian dago oinarrituta eta helburu nagusia garapen jasangarria da.

gure ingurumena zaindu!

Teknologia digitala

Eskolako Agenda 21

Eskolako Agenda 21 hezkuntza komunitatearen konpromisua eta ikastetxearen eta haren ingurunearen ingurumena eta alderdi soziala hobetzeko ekintza plana da.

Hauek dira Eskola Agenda 21en funtsezko oinarriak:

• Eskolaren ingurumena hobetzea, berrikuntza eta hezkuntza-kalitatea hobetzea eta tokiko komunitatean parte hartzea.

Ikasturte bakoitzean, ingurumenaren inguruko gai edo arazo bat aukeratzen da, eta horren inguruan lantzen da programa. Gaia aztertu eta eskolaren ingurune hurbilenaren egoeraren diagnostikoa egiten da. Azkenik, ikastetxeak hobetu beharreko ekintzak definitu eta abian jartzen dira. Era berean, udalari hiria edo herria laguntzeko ekintzak proposatzen dira.